Centro Educativo Galén

Información generál

Somos o Centro Educativo Galén, un centro privado, laico e independente, cun modelo educativo propio que aporta ao seu alumnado unha formación en valores esenciais xunto cunha base sólida para a continua adquisición de coñecementos.

O Centro Educativo Galén está situado na parroquia de Saamasas, lugar de Xián entre a estrada de Ombreiro e a Nacional VI, nunha parcela dunha extensión de 17.500 m2, a cinco minutos do centro urbano, inmerso nun contorno rural de gran valor natural, social e cultural, cunha paisaxe caracterizada polo predominio de importantes masas de bosques autóctonos e próxima ao río Miño.

Esta localización permite que atopemos gran cantidade de recursos educativos para a realización de actividades de educación ambiental, tanto no medio natural como no humanizado.