Teatro Do Atlántico

Información generál

Teatro do Atlántico contitúese no ano 1985. Leva realizadas até o momento 30 producións.entre as que podemos subliñar "Xoana" de Manuel Lourenzo, "Casa de Bonecas", de H.Ibsen, "A noite das tríbades" de Olov Enquist, "Amor de D.Perlimplín con Belisa no xardín" de García Lorca , "Solo para Paquita" de E.Caballero, "O cerco de Leningrado" de Sanchis Sinisterra, "Vanzetti" de Luis Araújo, "Unha primavera para Aldara" de Teresa Moure, "O encoro" de Conor McPherson, "A raíña da beleza de Leenane" de M. McDonagh, "Memoria de Helena e María" de Roberto Salgueiro ou "A charca inútil" de David Desola. Heiner Müller, Marguerite Yourcenar, Fassbinder, Pinter, Carlos Queiroz forman parte dos autores postos en escena por esta Compañía.
Os espectáculos son representadas por toda Galicia, e teñen realizado xiras por case todas as autonomías do Estado español, con participación en numerosos Festivais Nacionais e Internacionais de Teatro, como o Iberoamericano de Cádiz, o Internacional de Ribadavia, o FIOT de Carballo, o MITEU de Ourense, a Mostra de Teatro Cómico Festivo de Cangas, o Festival de Teatro de Cee, Muestra de Teatro de las Autonomías "Villa de Madrid", ou o Festival de Palencia en España; o Festival Latinoamericano de Córdoba en Arxentina; o Internacional de Caracas en Venezuela; e o FESTEIXO de Viana do Castelo e o FITEI de Porto, ámbos de Portugal, sendo presentados os espectáculos sempre Língua Galega.
Ao longo destes anos os espectáculos de Teatro do Atlántico acadaron 24 importantes PREMIOS DE TEATRO, e máis de cincoenta Nominacións en diferentes Categorías. María Barcala, Casilda García, Susana Dans, María Bouzas, Gonzalo M. Uriarte e Toño Casais recibiron diferentes Premios de Interpretación; Antonio Simón e Carlos Alonso de Escenografía, e o seu Director Artístico, Xúlio Lago, acadou en cinco ocasións o Premio á Mellor Dirección por espectáculos realizados nesta Compañía, quen tamén foi premiada en catro ocasións con PREMIOS AO MELLOR ESPECTÁCULO.